REGİONLAR


XIII Beynəlxalq Musiqi Festivalı çərçivəsində növbəti konsert Ağdamda təşkil olunub VİDEO

Ağdam, 23 sentyabr, Tahir Ağaməmmədov, AZƏRTAC

Üzeyir Hacıbəyli XIII Beynəlxalq Musiqi Festivalı çərçivəsində Ağdam rayonunun Quzanlı qəsəbəsində konsert təşkil olunub.

AZƏRTAC-ın bölgə müxbiri xəbər verir ki, Ağdam Muğam Mərkəzində keçirilən konsertdə F.Əmirov adına Azərbaycan Dövlət Mahnı və Rəqs Ansamblı (bədii rəhbər və baş dirijor Xalq artisti Ağaverdi Paşayev, baletmeyster Əməkdar artist Ceyhun Qubadov) geniş konsert proqramı ilə çıxış edib.

Ağdam Rayon İcra Hakimiyyətinin başçısı Vaqif Həsənov, Ağcabədi Regional Mədəniyyət İdarəsinin rəisi Qalib Həsənov, Mədəniyyət Nazirliyinin Musiqi sektorunun müdiri Vüqar Hümbətov, musiqişünas, sənətşünaslıq üzrə fəlsəfə doktoru, Əməkdar müəllim Xatirə Həsənzadə çıxış edərək, böyük bəstəkarın şərəfli ömür yolundan, zəngin və çoxşaxəli yaradıcılığından, milli musiqi mədəniyyətinin inkişafında əvəzsiz xidmətlərindən, dünya musiqi sənətinə verdiyi töhfələrdən danışıblar.

Konsertdə iştirakçılar Ü.Hacıbəylinin “Cəngi” miniatürünü, "Bayram suitası"nı, "Sevgili canan" romansını, “Arşın mal alan” musiqili komediyasından Gülçöhrənin ariyasını, “Uzundərə”, "Nazeləmə" rəqslərini, "Sarı gəlin", "Qarabağ şikəstəsi"ni, həmçinin Azərbaycan bəstəkarlarının əsərlərini zövqlə dinləyiblər. Xanəndələr İlkin Əhmədov, Rəvanə Əmiraslanlı, Almaz Orucova, müğənnilərdən Nərgiz Kərimova, Taleh Yəhyayev, Fəxri Kazım Nicat və başqalarının ifaları alqışlarla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.