XOCALI FACİƏSİNİ ANMA MƏRASİMİ

AZƏRTAC xəbər verir ki, Vahid Poeziya Evində Xocalı soyqırımının 14-cü ildönümü münasibətlə anma mərasimi keçirilmişdir.

Tədbirin əvvəlində mərasim iştirakçıları Xocalı faciəsi qurbanlarının xatirəsini bir dəqiqəlik sükutla anmışlar. Poeziya Evinin direktoru Hacı Şahin Verdiyev Xocalı soyqırımından, bu faciədə xalqımızın başına gətirilən müsibətlərdən, qaçqın və məcburi köçkünlərin öz doğma yurdlarına qayıdacağına böyük inamdan danışmışdır. Poeziya evinin yaradıcı kollektivinin hazırladığı musiqili kompozisiya nümayiş etdirilmişdir. Vahid ədəbi məclisinin üzvləri - şairlər Həkim Qəni, Elnarə Şəms, Ənvər Nəzərli, Şahin Fazil və başqaları Xocalı qırğınına həsr etdikləri şeirlərini oxumuşlar. Mərasimin sonunda ehsan verilmişdir.