Bakı Dövlət Universitetində “Xocalı faciəsi əsl soyqrım idi” adlı mərasim keçirilmişdir.

Universitetdən AZƏRTAC-ın müxbirinə bildirilmişdir ki, rektor, MEA-nın müxbir üzvü Abel Məhərrəmov mərasimdə çıxış edərək təpədən dırnağadək silahlanmış erməni qəsbkarların 11 il bundan öncə fevralın 26-da Xocalıda törətdikləri dəhşətli qırğınlardan danışdı.

Tökülən günahsız qanların yerdə qalmayacağını diqqətə çatdıran natiq gəncləri Vətən yolunda həmişə mərd və mübariz olmağa çağırdı.

Mərasimdə tələbələr Xocalı faciəsinə həsr olunmuş şerlər oxudular.

Sonra soyqırımdan bəhs edən “Əsrin faciəsi” filmi nümayiş etdirildi.