MƏDƏNİYYƏT


XTNS-dəki “Azərbaycan” pavilyonunda Müslüm Maqomayevin doğum günü ilə əlaqədar “Nizami” filmi təqdim olunacaq

Moskva, 17 avqust, AZƏRTAC

Görkəmli sovet və Azərbaycan estrada və opera müğənnisi Müslüm Maqomayevin doğum günündə - avqustun 17-də rusiyalı tamaşaçılara “Nizami” filmi təqdim ediləcək.

AZƏRTAC xəbər verir ki, baş rolda Müslüm Maqomayevin çəkildiyi “Nizami” filminin nümayişi tanınmış müğənninin 80 illiyinə həsr edilib. Tədbir Xalq Təsərrüfatı Nailiyyətləri Sərgisində yerləşən “Azərbaycan” pavilyonu tərəfindən təşkil olunub.

“Azərbaycanfilm” və “Mosfilm” kinostudiyaları tərəfindən 1982-ci ildə çəkilən “Nizami” bədii filminin rejissoru Eldar Quliyevdir.

Tarixi-bioqrafik kinoroman dahi Azərbaycan şairi və filosofu Nizami Gəncəviyə həsr olunub. Filmdə Nizami rolunu Müslüm Maqomayev çox gözəl ifa edib, SSRİ Xalq artisti Vyaçeslav Tixonov isə bu rolu səsləndirib.

 
Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.