İDMAN


XV Avropa Gənclər Olimpiya Festivalında kişi və qadın voleybolçular mübarizəyə başlayıblar

 

Bakı, 22 iyul, AZƏRTAC

İyulun 22-də “EYOF Bakı 2019” XV Avropa Gənclər Olimpiya Festivalında kişi və qadın voleybolçuların mübarizəsi başlayıb.

AZƏRTAC xəbər verir ki, Fövqəladə Hallar Nazirliyinin İdman-Sağlamlıq Mərkəzində keçirilən kişilərin yarışında birinci görüşdə Belarus və Rusiya yığmaları üz-üzə gəliblər.

Azərbaycan Voleybol Mərkəzində təşkil olunan qadınların mübarizəsinə isə Rumıniya və Bolqarıstan yığmalarının görüşü ilə start verilib.

Oğlanlar arasında voleybol yarışlarında A qrupunda Azərbaycan millisi ilə yanaşı, Almaniya, Rusiya, Belarus seçmələri qələbə üçün yarışacaqlar. B qrupunda isə mübarizə Çexiya, İtaliya, Bolqarıstan və Belçika komandaları arasında baş tutacaq.

Voleybol üzrə qızların mübarizəsində A qrupunda Rusiya, Bolqarıstan, Rumıniya və Azərbaycan, B qrupunda isə İtaliya, Türkiyə, Belarus və Almaniya yığmaları yer alıb.

Qaydalara görə, həm oğlanların, həm qızların yarışlarında qruplarda birinci və ikinci yeri tutan yığmalar pley-off mərhələsinə vəsiqə qazanacaqlar.

Ümumiyyətlə, voleybol yarışının birinci günündə oğlan və qız komandaları arasında dörd görüş keçiriləcək. Günün ikinci matçında B qrupunda çıxış edən Bolqarıstanın və İtaliyanın oğlanlardan ibarət voleybolçuları üz-üzə gələcəklər. Üçüncü oyunda A qrupundakı matçda Azərbaycanın voleybolçuları Almaniya yığması ilə qarşılaşacaq. Oğlanlar arasında sonuncu görüş B qrupunda yer alan Belçika və Çexiya seçmələri arasında olacaq.

Voleybol üzrə qızların mübarizəsində B qrupu çərçivəsində ikinci oyunda Belarus və Türkiyə seçmələri üz-üzə gələcəklər. Digər görüşdə A qrupunda qızlardan ibarət voleybolçularımız Rusiya millisini sınağa çəkəcək. Qızlar arasındakı yarışda növbəti görüşdə isə B qrupunda Almaniya və İtaliya milliləri arasında oynanılacaq.

Festivalın voleybol yarışlarına iyulun 27-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.