Xabarovskda diaspor üzvlərinin iştirakı ilə Novruz bayramı qeyd olunub

Xabarovsk, 23 mart, AZƏRTAC

Xabarovskda Novruz bayramına həsr olunmuş festival keçirilib.

AZƏRTAC xəər verir ki, festivalda müxtəlif xalqların nümayəndələri, o cümlədən Azərbaycan diasporunun üzvləri iştirak ediblər.

“Azərbaycanlılar birliyi” və “Azərbaycan konqresi” ictimai təşkilatlarının təmsilçiləri tərəfindən yaradılan gözəl guşədə festivalın qonaqları Azərbaycan xalqının tarixi və mədəniyyəti ilə tanış olublar: burada canlı musiqi, milli alətlər, mədəni irs atributları, müxtəlif milli yemək və şirniyyatlar təqdim edilib.

Festivalın musiqili hissəsində diasporun gənc üzvləri ali kateqoriyalı müəllim Əlipaşa Məmmədovun rəhbərliyi ilə Azərbaycan milli rəqslərini, “Qarabağ” və “Yaşa Azərbaycan” mahnılarını ifa ediblər.