REGİONLAR


Xaçmazda meşədə 1233 ədəd çətənə bitkisi və marixuana aşkarlanıb VİDEO

Xaçmaz, 10 iyun, Elxan Yusifli, AZƏRTAC

Xaçmaz Rayon Polis Şöbəsinin (RPŞ) əməkdaşları narkotik tərkibli bitkilərin kultivasiyası ilə məşğul olmaqda şübhəli bilinən rayon sakinləri Şıxsa Mahmudzadə və Fərid Abdıyevi saxlayıblar.

Daxili İşlər Nazirliyinin Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, “Xaşxaş-2022” şərti adlı kompleks əməliyyat-axtarış tədbirləri nəticəsində həmin şəxslərin rayonun Qaracəlli kəndi ərazisindəki meşə sahəsində əkib yetişdirdiyi 1233 ədəd yaş vəziyyətdə çətənə (kannabis) bitkisi aşkar olunaraq götürülüb.

Bundan başqa, həmin əraziyə baxış keçirilən zaman külli miqdarda marixuana aşkar olunub.

Faktla bağlı Xaçmaz RPŞ-də cinayət işi başlanılıb, məhkəmənin qərarı ilə həmin şəxslər barəsində həbs qətimkan tədbiri seçilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.