CƏMİYYƏT


Xaçmazda tikinti işləri zamanı baş verən ölüm hadisəsi ilə bağlı istintaq aparılır

Bakı, 21 iyun, AZƏRTAC

İyunun 19-u saat 13 radələrində Xaçmaz rayonu ərazisindəki “Xaçmaz Yaşayış Kompleksi”ndə Kamran Cəfərovun təmir-tikinti işləri apararkən aldığı xəsarətlər nəticəsində ölməsi barədə rayon prokurorluğuna məlumat verilib.

Xaçmaz Rayon Prokurorluğundan AZƏRTAC-a bildiriblər ki, aparılmış ilkin araşdırmalarla “Kranpartner” MMC-də quraşdırıcı kimi çalışan 1994-cü il təvəllüdlü Kamran Cəfərovun kranın seksiyalarının quraşdırılması işlərini apararkən krandan yıxıldığı və aldığı xəsarətlərdən hadisə yerində öldüyü müəyyən edilib.

Faktla bağlı Xaçmaz Rayon Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.

Hazırda iş üzrə istintaq davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.