REGİONLAR


Xaçmazda yerli iqlim şəraitinə uyğun minlərlə ağac əkilib

Xaçmaz, 6 dekabr, Elxan Yusifli, AZƏRTAC 

Azərbaycan Respublikasının Birinci vitse-prezidenti Mehriban Əliyevanın dahi şair və mütəfəkkir İmadəddin Nəsiminin 650 illik yubileyi münasibətilə respublikamızda bir gündə 650 min ağacın əkilməsi təşəbbüsünə xaçmazlılar da böyük coşqu ilə qoşulublar. Ağacəkmə aksiyası çərçivəsində rayon ərazisində bir gündə minlərlə ağac tingi əkilib.

AZƏRTAC-ın bölgə müxbir xəbər verir ki, Gəndov-Yalama yolunun kənarı boyunca Vəlvələçaydan Ağçayadək olan ərazidə, həmçinin şəhər ərazisində yerli iqlim şəraitinə uyğun müxtəlif ağac tingləri əkilib. Aksiyaya rayon rəhbərliyi, bütün idarə, təşkilat və müəssisələrin əməkdaşları, eləcə də rayon ictimaiyyəti nümayəndələri könüllü olaraq qoşulub.

Bu genişmiqyaslı kampaniya Azərbaycan şairi İmadəddin Nəsiminin xatirəsinin əbədiləşdirilməsi və təbliği ilə yanaşı, həm də ekoloji mühitin qorunması baxımından olduqca əhəmiyyətlidir.

Dekabrın 6-da Xaçmazla yanaşı Quba, Qusar, Şabran və Siyəzən rayonlarında da genişmiqyaslı ağacəkmə aksiyaları keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.