CƏMİYYƏT


Xaçmazdakı Çənlibel parkında fitosanitar monitorinqlər aparılıb

Bakı, 2 avqust, AZƏRTAC

Qida Təhlükəsizliyi Agentliyi respublika ərazisində karantin obyekti olan zərərli orqanizmlərin yayılmasının qarşısının alınması və mübarizə tədbirlərinin təşkili məqsədilə fitosanitar monitorinqləri davam etdirir.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Milli Monitorinq Planı çərçivəsində keçirilən növbəti fitosanitar monitorinq Xaçmaz şəhərində Çənlibel parkının ərazisində aparılıb.

Müşahidələr zamanı dekorativ bitkilərdə torlu gənə və mənənə (yarpaq biti) zərərvericisinə rast gəlinib. Dekorativ bitkilərdə aşkar edilmiş zərərli orqanizmlərlə əlaqədar qabaqlayıcı profilaktik tədbirlər görülüb.

Monitorinq zamanı sahə aqronomu və texniki işçilərlə söhbətlər aparılıb və maarifləndirici tövsiyələr verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.