REGİONLAR


Xaçmazdakı Şəhidlər Xiyabanında “Əbədi məşəl” abidə-kompleksi inşa olunur VİDEO

Xaçmaz, 5 avqust, Elxan Yusifli, AZƏRTAC 

Xaçmazdakı Şəhidlər Xiyabanında abadlıq və yenidənqurma işlərinə başlanılıb.

AZƏRTAC-ın bölgə müxbiri xəbər verir, xiyabanda torpaqlarımızın azadlığı və suverenliyi uğrunda canından keçən 225 xaçmazlı şəhidin xatirəsi əbədiləşdiriləcək.

Şəhidlər Xiyabanında tikiləcək xatirə kompleksinin qarşısında Azərbaycanın Milli Qəhrəmanı Yavər Şahbazovun büstü qoyulacaq. Yenidənqurma işləri çərçivəsində xiyabanda 17,5 metr hündürlüyündə “Əbədi məşəl” abidə-kompleksi inşa olunacaq.

İş icraçısı Gəncəli Məhərrəmov bildirib ki, xiyabanın ümumi sahəsi 2500 kvadratmetrdir. Tikinti işləri pandemiya dövrünün tələblərinə uyğun aparılır. Xiyabanda şəhidlərin şəkilləri əks olunmuş xatirə lövhələrinin quraşdırılması işləri yekunlaşmaq üzrədir. Artıq “Əbədi məşəl” abidə-kompleksinin tikintisinə başlanılıb. Qarşıdakı günlərdə xiyabanda yaşıllaşdırma və xüsusi işıqlandırma sisteminin quraşdırılması işlərinə start veriləcək.

Aprel ayından başlanan yenidənqurma işlərinin bu ilin oktyabrınadək yekunlaşdırılması nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.