REGİONLAR


Xaçmazın Əzizli kəndində içməli suya olan tələbatı ödəmək üçün yeni artezian quyusu qazılır

Xaçmaz, 13 avqust, Elxan Yusifli, AZƏRTAC

Xaçmaz rayonunun Əzizli kəndində əhalinin içməli suya olan tələbatını ödəmək üçün yeni artezian quyusu qazılır.

AZƏRTAC-ın bölgə müxbiri xəbər verir ki, yeni artezian quyusunun qazılması ilə 200 nəfərdən çox sakinin içməli suya olan tələbatı tam ödəniləcək.

Artezian quyusunun qazılması Əzizili kəndinin də daxil olduğu Müşkür İnzibati Ərazi Dairəsi üzrə nümayəndəlik və Xaspoladoba bələdiyyəsi tərəfindən həyata keçirilir. Belə ki, Xaçmaz rayonun İnzibati Ərazi Dairə üzrə nümayəndəlikləri və bələdiyyələrin tərkibində bələdiyyələrin fəaliyyətinə ictimai nəzarəti həyata keçirəcək xüsusi qruplar formalaşdırılıb. Bu qruplar həm bələdiyyələrin gəlirinə, həmçinin gəlirlərin istifadəsinə ictimai nəzarəti həyata keçirəcək. Yeni istifadəyə verilən artezian quyusu da məhz bu təşəbbüs nəticəsində ərsəyə gəlib.

Xaspoladoba kəndində su probleminin həll edilməsi üçün mövcud irihəcmli sututarının yenidən bərpası nəzərdə tutulub. Sututarının yenidən qurulması yerli fermerlərin suvarma suyuna əlçatanlığını artıracaq və onlarla hektar əkin sahəsinin su ilə təminatı yaxşılaşdıracaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.