REGİONLAR


Xaçmazın üç kəndinin qazlaşdırılmasına başlanılıb VİDEO

Xaçmaz, 7 iyun, Elxan Yusifli, AZƏRTAC

SOCAR-ın “Azəriqaz” İstehsalat Birliyi tərəfindən Xaçmaz rayonunun Digahoba, Aşağı Ləgər və Seyidlər kəndlərinin qazlaşdırılmasına başlanılıb.

AZƏRTAC-ın bölgə müxbiri xəbər verir ki, tikinti işləri yekunlaşdıqdan sonra üç kənddə, ümumilikdə, 300 abonent yüksəktəzyiqli təbii qazla təmin olunacaq.

Kəndlərin qazlaşdırılması üçün birpilləli sistem əsasında ümumi uzunluğu 28 min metrə yaxın olan müxtəlif diametrli polad və polietilen borularla daşıyıcı, məhəllədaxili qaz xətləri çəkiləcək. Bununla yanaşı, bütün abonentlər üçün qaz sayğacı və fərdi tənzimləyici quraşdırılacaq.

Qazlaşdırma işlərinin ilin sonuna kimi başa çatdırılması nəzərdə tutulub.

Bu il Xaçmazda 3, Qubada 11, Qusarda isə 1 yaşayış məntəqəsi qazlaşdırılacaq. Bununla da şimal regionunda daha 2 min 172 abonent “mavi yanacaq”la təmin ediləcək.

Hazırda şimal regionunda qazlaşdırılan yaşayış məntəqələrinin sayı 288, təbii qazdan istifadə edən abonentlərin sayı isə 102 mindən çoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.