CƏMİYYƏT


Xalq Təsərrüfatı Nailiyyətləri Sərgisində ümummilli lider Heydər Əliyevə həsr olunmuş sərgi açılacaq

Moskva, 8 may, AZƏRTAC

Mayın 9-10-da Moskvada, Xalq Təsərrüfatı Nailiyyətləri Sərgisində yerləşən “Azərbaycan” pavilyonunda xalqımızın ümummilli lideri Heydər Əliyevin ad gününə və İkinci Dünya müharibəsindəki qələbədə Azərbaycanın roluna həsr olunmuş tədbirlər keçiriləcək.

AZƏRTAC xəbər verir ki, mayın 9-da “Azərbaycan” pavilyonunun qonaqlarına İkinci Dünya müharibəsi haqqında filmlər təqdim ediləcək, improvizə olunmuş əbədi məşəl alovlandırılacaq. Ziyarətçilər üçün fotozona, xatirə hədiyyələri ilə viktorinalar, tematik ekskursiyalar təşkil olunacaq, onlar mini yarmarkada milli məhsulların dadına baxmaq fürsəti də əldə edəcəklər.

Mayın 10-da pavilyonda ümummilli lider Heydər Əliyevin ad gününə həsr olunmuş “Müasir Azərbaycan dövlətçiliyinin memarı” adlı sərgi açılacaq.

Gün ərzində sərginin qonaqları üçün dahi liderin həyat və fəaliyyəti barədə filmlər və arxiv videoları nümayiş etdiriləcək.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.