Xalq artisti Lütfiyar İmanovun xatirəsi anılacaq
AzerTAg.az
Bakı, 29 mart, AZƏRTAC
Dahi bəstəkar Üzeyir Hacıbəylinin məşhur “Koroğlu” operası növbəti dəfə Azərbaycan Dövlət Opera və Balet Teatrında nümayiş olunacaq.
Teatrdan AZƏRTAC-a bildirilib ki, aprelin 1-də nümayiş olunacaq səhnə əsəri Xalq artisti Lütfiyar İmanovun anadan olmasının 95 illiyi münasibətilə göstəriləcək.
Operada əsas rolları Xalq artistləri Samir Cəfərov, Əkrəm Poladov, Əməkdar artistlər İlahə Əfəndiyeva, Cahangir Qurbanov, Tural Ağasıyev, teatrımızın solistləri Mahir Tağızadə, Fəhmin Əhmədli, Taleh Yahyayev, Aytən Məhərrəmova, Nəzər Bəylərov, Emin İsmayilov və digərləri canlandıracaqlar.
Xormeysteri Əməkdar incəsənət xadimi Sevil Hacıyeva olan səhnə əsəri Əməkdar artist Əyyub Quliyev tərəfindən idarə olunacaq.
Biletləri teatrımızın kassası ilə yanaşı, şəhərin bütün kassalarından və iticket.az saytından əldə etmək olar.
Xəbərin mətnində orfoqrafik səhv var
