MƏDƏNİYYƏT


Xalq artisti Yalçın Adıgözəlovun anadan olmasının 60 illiyi qeyd olunub

Bakı, 8 noyabr, AZƏRTAC

Üzeyir Hacıbəyli adına Bakı Musiqi Akademiyasında (BMA) akademiyanın professoru Xalq artisti Yalçın Adıgözəlovun anadan olmasının 60 illiyi qeyd edilib.

BMA-dan AZƏRTAC-a bildirilib ki, tədbirdə BMA-nın rektoru, Xalq artisti, dünya şöhrətli pianoçu, professor Fərhad Bədəlbəyli Yalçın Adıgözəlovun Azərbaycan musiqi mədəniyyətindəki böyük xidmətlərindən, səmərəli fəaliyyətindən bəhs edərək, onu yubiley münasibətilə təbrik edib.

Tədbir konsert proqramı ilə davam edib.

Konsertdə bəstəkar Evdard Qriqin “Holberq” süitası, Bella Bartokun “Rumın rəqsləri”, Jean Sibeliusun “Vals Triste” kompozisiyası ifa olunub. Xalq artisti, professor Yeganə Axundovanın ifasında Georgi Sviridovun Kamera orkestri üçün musiqisi, solist Tamerlan Adıgözəlovun ifasında Vasif Adıgözəlovun Fortepiano və orkestr üçün 1 saylı konserti (II hissə) və Prelüd N.1 səsləndirilib.

Sonra Azərbaycan Dövlət Mədəniyyət və İncəsənət Universitetinin tələbəsi, beynəlxalq müsabiqələr laureatı Xəyal Əliyevin ifasında Astor Piazzolanın “Oblivion” əsəri dinlənilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.