MƏDƏNİYYƏT


“Xarıbülbül” Azərbaycan Vizyon teatrının açılışı Zəfərimizi gözləyirdi

İstanbul, 13 oktyabr, AZƏRTAC

“Xarıbülbül” Azərbaycan Vizyon teatrının açılışı Zəfərimizi gözləyirdi. Biz artıq altı ildir ki, Türkiyə-Azərbaycan Vizyon Teatrı olaraq fəaliyyət göstərdik. İndi qürurla “Xarıbülbül” adını daşıyır, bu ada layiq olmağa çalışırıq.

Bu fikirləri AZƏRTAC-a müsahibəsində İstanbulda fəaliyyət göstərən “Xarıbülbül” Azərbaycan Vizyon Teatrı Dərnəyini rəhbəri Kamalə Cabbarova söyləyib.

Başda Ali Baş Komandanımız, Prezident İlham Əliyev olmaqla bu tarixi Zəfərin əldə edilməsində əməyi keçən hər kəsə minnətdarlığını bildirən K.Cabbarova deyib: “Bu Qələbədən sonra dövlətimizin daha da güclənəcəyinə əminəm. Bu Zəfəri bizə yaşadan, Vətən torpağının geri qaytarılmasında canında keçən şəhidlərimizin ruhu qarşısında baş əyir, qazilərimizə möhkəm cansağlığı arzu edirəm. Oğullarımız bizim alnımızı açıq etdilər. Mən bu müharibədə anaların rolunu xüsusi vurğulamaq istərdim, anaların böyük qəhrəmanlığını gördüm. Qırx dörd günlük bu müharibədə Azərbaycan qadını nə qədər qeyrətli və güclü olduğunu bir daha sübut etdi”.

Hazırda teatrın Qarabağ Zəfərinin birinci ildönümü münasibətilə yeni tamaşa üzərində işlədiyini deyən müsahibimiz ən böyük arzusunun teatr kollektivi ilə birgə Şuşada tamaşa nümayiş etdirmək olduğunu bildirib.

Günel Məlikova

AZƏRTAC-ın xüsusi müxbiri

İstanbul

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.