SİYASƏT


Xarici İşlər Nazirliyində keçirilən görüşdə Azərbaycan-ABŞ əməkdaşlığına dair müzakirələr aparılıb

Bakı, 9 oktyabr, AZƏRTAC

Azərbaycan Respublikası Xarici İşlər nazirinin müavini Nadir Hüseynov ölkəmizdə işgüzar səfərdə olan Amerika Birləşmiş Ştatlarının Daxili Təhlükəsizlik Departamentinin İmmiqrasiya və Gömrük Xidmətinin direktor müavini xanım Marlen Pineironun başçılıq etdiyi nümayəndə heyəti ilə görüşüb.

Xarici İşlər Nazirliyinin Mətbuat xidməti idarəsindən AZƏRTAC-a bildiriblər ki, görüşdə, həmçinin ABŞ-ın Azərbaycandakı səfiri Örl Litzenberger və Azərbaycan Xarici İşlər Nazirliyinin Konsuluq idarəsinin rəisi səfir Faiq Bağırov iştirak ediblər.

Görüş zamanı iki ölkə arasında mövcud siyasi, humanitar və digər sahələrdə münasibətlərin hazırkı vəziyyəti haqqında fikir mübadiləsi aparılıb. Qanuni miqrasiya və qanunsuz miqrasiyaya qarşı mübarizə sahələrində qarşılıqlı maraq doğuran məsələlər və əməkdaşlıq perspektivləri müzakirə edilib.

Nazir müavini Nadir Hüseynov Ermənistan-Azərbaycan Dağlıq Qarabağ münaqişəsi barədə qarşı tərəfə məlumat verib.

Tərəflər, habelə qarşılıqlı maraq doğuran digər məsələləri müzakirə ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.