ELM VƏ TƏHSİL


Xarici dil müəllimləri üçün fürsət: distant tədrisdə ABŞ təcrübəsi

Bakı, 7 sentyabr, AZƏRTAC

Azərbaycan Dövlət İqtisad Universitetinin (UNEC) təşkilatçılığı ilə sentyabrın 7-də “Xarici dilin distant tədrisinin təkmilləşdirilməsi imkanları - 2020” mövzusunda onlayn beynəlxalq konfrans keçirilib.

UNEC-dən AZƏRTAC-a bildirilib ki, beynəlxalq konfransda ABŞ-ın aparıcı universitetlərinin alimləri xarici dilin distant tədrisinin təkmilləşdirilməsi yolları, onlayn mühitdə tədris və öyrətmə, tələbələri cəlb etmə, müasir təhsilalanlar, effektiv dərs kitabları və onlayn tədris mövzularında çıxışlar ediblər. Konfransın moderatoru UNEC-in Xarici dillər kafedrasının dosenti, ABŞ-ın “Fulbrayt” proqramının məzunu Sevinc Ələkbərzadə olub.

Konfransın spikerləri ABŞ Boston kollecinin Linç Təhsil və İnkişaf məktəbinin xarici dil müəllimi, elmi tədqiqatçı Qram R.Smit, ABŞ İllinoys Dövlət Universitetinin İngilis dili kafedrasının doktorant müəllimi Marina Teplova, ABŞ Beynəlxalq TEFL Təlim İnstitutunun rəhbəri Tasito Kuri, ABŞ Beynəlxalq TEFL Təlim İnstitutunun akademik rəhbəri Gizela Kornejodur.

Beynəlxalq konfransda izləyicilərin sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.