Cəbrayıl, 6 fevral, Tahir Ağaməmmədov, AZƏRTAC

Azərbaycanda fəaliyyət göstərən səfirlər, hərbi attaşelər və beynəlxalq təşkilatların Azərbaycandakı nümayəndəliklərinin rəhbərləri Cəbrayıl rayonunda İranla sərhəddə yerləşən Xudafərin körpüsündə olublar.

AZƏRTAC-ın bölgə müxbiri xəbər verir ki, diplomatik korpus nümayəndələri, əvvəlcə Cəbrayılda qəbiristanlığa və ermənilər tərəfindən dağıdılmış digər ərazilərə baxıblar.

Diplomatları Azərbaycan Respublikası Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev və digər rəsmi şəxslər müşayiət edirlər.