İQTİSADİYYAT


Xarici influenserlər ölkəmizin turizm imkanları ilə tanış olublar

Bakı, 30 oktyabr, AZƏRTAC

Azərbaycanın xaricdə tanıdılması və turistik imkanlarının təbliğinə dəstək məqsədilə Dövlət Turizm Agentliyi, Azərbaycan Turizm Bürosu və Azərbaycan Konqreslər Bürosunun təşkilatçılığı ilə “Global Influencer Day” tədbirinə dəvət olunmuş xarici influenserlər üçün xüsusi tanışlıq proqramı həyata keçirilib.

Dövlət Turizm Agentliyindən AZƏRTAC-a bildirilib ki, Türkiyə, Ukrayna, Qazaxıstan, Rusiya, Avstraliya, Rumıniya, Latviya, BƏƏ kimi ölkələrdən olan qonaqlar “İçərişəhər” Dövlət Tarix-Memarlıq Qoruğunda gəzintidən sonra Bakının digər turistik yerləri ilə tanış olublar. Onlar üçün xalça toxuma, armudu stəkan üzərində rəsm, milli mətbəx nümunələrinin hazırlanması, xına ilə naxış vurma, neftlə şəkil çəkmə üzrə ustad dərsləri keçirilib, milli musiqimiz nümayiş etdirilib. Bununla da “İnnovasiya həftəsi” çərçivəsində keçirilən “Global Influencer Day” tədbiri başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.