Bakı, 19 may, AZƏRTAC

Xətai rayonunda evdən pul və qızıl-zinət əşyaları oğurlayan ana və qızı tutulublar.

Daxili İşlər Nazirliyinin mətbuat xidmətindən AZƏRTAC-a verilən məlumata görə, mayın 17-də rayon ərazisindəki evlərin birindən 4000 manat məbləğində pul və 6400 manat dəyərində qızıl-zinət əşyaları oğurlamaqda şübhəli bilinən E.Hacıyeva və qızı L.Hacızadə Xətai Rayon Polis İdarəsinin 37-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.

Faktla bağlı rayon polis idarəsi tərəfindən araşdırma aparılır.