ELM VƏ TƏHSİL


Xəzər Universitetində “Creative Spark” layihəsi ilə bağlı müzakirələr aparılıb

Bakı, 13 sentyabr, AZƏRTAC

Xəzər Universitetində “Creative Spark” layihəsi ilə bağlı ilk görüş keçirilib.

Universitetdən AZƏRTAC-a bildirilib ki, görüşdə İnkişaf Mərkəzinin direktoru Raziyə İsayeva layihə barədə məlumat verib. O bildirib ki, Xəzər Universiteti Britaniyanın Middlesex Universiteti ilə əməkdaşlıq çərçivəsində bu il üçün elan olunmuş “Creative Spark” proqramının qalibi olub. Layihənin məqsədi dizayn ixtisasında təhsil alan tələbələrin biznes bacarıqlarını inkişaf etdirməkdir. Qeyd edilib ki, sentyabrın əvvəlində “Creative Spark” proqramı çərçivəsində əməkdaş universitetlər arasında Oksford şəhərində ilkin görüşlər keçirilib.

Sonra layihə ilə bağlı müzakirələr aparılıb.

Qeyd edək ki, "Creative Spark" Britaniyanın dəstəyilə Mərkəzi Asiya və Cənubi Qafqaz ölkələrində, Ukraynada biznes bacarıqlarını və yaradıcı iqtisadiyyatı inkişaf etdirmək məqsədilə universitetlərarası və institusional əməkdaşlığı beynəlxalq səviyyədə dəstəkləmək üçün nəzərdə tutulan beşillik təşəbbüsdür.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.