ELM VƏ TƏHSİL


Xəzər Universitetində “MicroMaster” proqramı üzrə test imtahanı keçiriləcək

Bakı, 7 iyul, AZƏRTAC

İyulun 9-da Xəzər Universitetinin İqtisadiyyat və biznes yüksək təhsil fakültəsində riyaziyyat fənnindən test imtahanı keçiriləcək. İmtahan ABŞ-ın Massaçusets Texnologiya İnstitutunun (MIT) İqtisadiyyat departamentinin “Data, iqtisadiyyat və inkişaf siyasəti” (Data, Economics and Development Policy (DEDP) “MicroMaster” proqramına tələbə seçimi çərçivəsində təşkil olunur.

Universitetdən AZƏRTAC-a bildirilib ki, imtahanda müraciətçilər arasından seçilmiş 100-dək tələbə iştirak edəcək. İmtahanın yüksək səviyyədə təşkilinə İngilis dili və ədəbiyyatı departamenti və İctimai əlaqələr və media üzrə direktorluq dəstək göstərir.

İmtahanlar və sonda keçiriləcək müsahibənin nəticəsindən asılı olaraq, 20 tələbə “MikroMaster” proqramında iştirak etmək hüququ qazanacaq.

Oktyabr ayında onlayn formatda başlanacaq proqramdan öncə tələbələr üçün Xəzər Universitetində riyaziyyat və statistika fənlərindən 6 həftə ərzində hazırlıq dərsləri təşkil ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.