ELM VƏ TƏHSİL


Xəzər Universitetinin adı məşhur ABŞ teleserialında VİDEO

Bakı, 21 may, AZƏRTAC

ABŞ-ın ABC kanalının çəkdiyi məşhur “Alias” teleserialında Xəzər Universitetinin adı çəkilir. Səhnələrdən birində universitetin Neft və qaz geologiyası və geofizikası ixtisasından söhbət açılır və Azərbaycana gedən qəhrəmana bu ixtisas üzrə doktorantura proqramına qəbul olunması məsləhət görülür.

Universitetdən AZƏRTAC-a bildirilib ki, Hollivud filmlərində nadir hallarda universitetlərlə bağlı səhnələr yer alır, buna zərurət yarananda isə əsasən ABŞ-ın və dünyanın məşhur ali təhsil müəssisələrinin adı çəkilir. Bu baxımından Xəzər Universitetinin adının məşhur teleserialda qeyd olunması qürurverici haldır.

Xəzər Universiteti ABŞ-ın məşhur teleserialında Azərbaycanda ingilis dilində keyfiyyətli təhsil verən ali məktəb kimi təqdim edilir.

Qeyd edək ki, serialı, yayımlandığı dövrdə təkcə ABŞ-da 8 milyona yaxın insan izləyib.

Xəzər Universiteti ilə bağlı olan səhnə 1-ci bölüm, 19-cu seriyadadır və “Qar adam” adlanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.