ELM VƏ TƏHSİL


Xəzər Universitetinin müəllimi Fulbrayt Məzunları Sertifikatı ilə təltif edilib

Bakı, 28 iyul, AZƏRTAC

Xəzər Universitetinin Psixologiya departamentinin müəllimi və doktorantı Nilufər Əlizadə ABŞ Dövlət Departamentinin Fulbrayt Xarici Təqaüd Şurası və Təhsil və Mədəniyyət Məsələləri Bürosu tərəfindən Fulbrayt Məzunları Sertifikatı ilə təltif edilib.

Universitetdən AZƏRTAC-a bildirilib ki, bu sertifikat onun Birləşmiş Ştatlardan və təxminən 160 ölkədən 400 mindən çox Fulbrayt alimi, müəllimi və tələbələrindən ibarət canlı qlobal şəbəkəyə qoşulmasını təmin edir.

Qeyd edək ki, Nilufər Əlizadə bu yaxınlarda ABŞ-ın Arkanzas Universitetində qonaq tədqiqatçı proqramını bitirib. Onun tədqiqat sahəsi alim-təcrübəçi modelinə uyğun olaraq klinik psixologiyanın tədrisi metodlarına əsaslanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.