CƏMİYYƏT


Xəzər dənizində dalğanın hündürlüyü 4 metrə çatıb

Bakı, 19 fevral, AZƏRTAC

Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi fevralın 18-i axşamdan ölkə ərazisində hava şəraiti dəyişib, əsasən şimal və şərq rayonlarında yağıntılı olub, dağlıq və dağətəyi rayonlarda qar yağıb.

Departamentdən AZƏRTAC-a bildiriblər ki, Bakıda və Abşeron yarımadasında fevralın 18-i axşam saatlarından başlayan yağış fevralın 19-da sulu qara keçib, düşən yağıntının miqdarı 5 millimetr təşkil edib. Bu da aylıq normanın 24 faizidir. Lənkəran-Astara zonasında yağıntının miqdarı 6, Mərkəzi Aran rayonlarında 4, Böyük Qafqazda 11 millimetrədək olub.

Qar örtüyünün hündürlüyü Ağdərədə (Ordubad) 19, Altıağacda 14, Sarıbaşda 12, Qubada 11, Şahdağda 10, Qusar, Xınalıqda 7, Qırızda 6, Mərəzədə 3, İsmayıllıda 1 santimetr təşkil edib.

Fevralın 18-də şimal-qərb küləyinin sürəti artıb, bəzi rayonlarda arabir saniyədə 22-30 metr olub, Bakıda və Abşeron yarımadasında arabir saniyədə 15-20 metrədək güclənib. “Neft Daşları” İxtisaslaşdırılmış Dəniz Hidrometeorologiya Stansiyasının məlumatına əsasən Xəzər dənizində dalğanın hündürlüyü 4 metrə çatıb.

Havanın temperaturu 6-10° enib, minimal hərarət Bakıda və Abşeron yarımadasında 2°-dək isti, Aran rayonlarında 2-5° isti, dağlıq rayonlarda 0-5°, yüksək dağlıq ərazilərdə 7-12°, Naxçıvan Muxtar Respublikasında 0-3° şaxta olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.