CƏMİYYƏT


Xəzər rayonunda ərazi tullantılardan təmizlənib

Bakı, 24 may, AZƏRTAC

Xəzər rayonunun Türkan qəsəbəsinin müxtəlif ərazilərində tullantıların qalaqlanması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.

Xidmət rəsmisi Vaqif Cavadov AZƏRTAC-a bildirib ki, qəsəbənin bir neçə yerində tullantıların qalaqlanması faktı müəyyənləşdirilib və əraziyə cavabdeh Xəzər rayonunun Türkan qəsəbəsi üzrə icra nümayəndəliyi tərəfindən həmin sahələrin təmizlənməsi təmin edilib. Gələcəkdə belə hallara yol verilməməsi və tullantıların qanunvericiliyə uyğun idarə olunması məqsədilə Türkan qəsəbəsi üzrə icra nümayəndəsi Rövşən Quliyevə məcburi göstəriş verilib.

Xidmət rəsmisi tullantıların idarə olunmasına cavabdeh şəxsləri fəaliyyətlərini qanunauyğun həyata keçirməyə, sakinləri isə tullantıları müəyyən olunmuş sahələrə atmağa və təmizliyə riayət etməyə çağırıb.

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.