Xəzər rayonunda naməlum kişi cəsədi tapılıb

Bakı, 15 yanvar, AZƏRTAC

Xəzər rayonu Binə qəsəbəsi ərazisində 55-60 yaşlarında üzərində zorakılıq əlamətləri olmayan naməlum kişi cəsədi tapılıb.

Daxili İşlər Nazirliyinin (DİN) mətbuat xidmətindən AZƏRTAC-a bildiriblər ki, aparılan araşdırmalar zamanı onun şəxsiyyətini müəyyənləşdirmək mümkün olmayıb.

Şəxsiyyəti məlum olmayan, şəkildəki şəxsi tanıyanlardan və onun barəsində məlumatı olanlardan DİN-in 102 - Xidməti Zəng Mərkəzinə, həmçinin Xəzər Rayon Polis İdarəsinə və 3-cü polis bölməsinə (012) - 590-72-03, (012) - 456-03-02, (070) – 403-03-03, (050) – 275-55-55 və (050) - 679-26-11 telefon nömrələrinə zəng vuraraq məlumat vermələri xahiş olunur.