CƏMİYYƏT


Xəzər rayonunda şəhid Elçin Əliməmmədovun xatirəsi anılıb

Bakı, 18 avqust, AZƏRTAC

Bakının Xəzər rayonunun Zirə qəsəbəsində ölkəmizin ərazi bütövlüyü uğrunda gedən döyüşlərdə qəhrəmanlıq göstərən Vətən oğullarından biri - şəhid Əliməmmədov Elçin Mehman oğlunun doğum günü ilə əlaqədar anım mərasimi keçirilib.

AZƏRTAC xəbər verir ki, tədbirdə Yeni Azərbaycan Partiyası (YAP) Xəzər rayon təşkilatının sədri, Xəzər Rayon İcra Hakimiyyətinin başçısı, ictimaiyyət nümayəndələri iştirak ediblər.

Çıxış edənlər 44 günlük Vətən müharibəsində qalib Ordumuzun Müzəffər Ali Baş Komandan İlham Əliyevin rəhbərliyi ilə göstərdiyi qəhrəmanlıqlardan və şücaətdən, azad olunmuş torpaqlarımızda aparılan quruculuq işlərindən danışıb, şəhidin ailəsinə səbir diləyiblər.

Sonra qəsəbənin Şəhidlər xiyabanında şəhidin məzarı ziyarət olunub, üzərinə gül dəstələri düzülüb, ruhuna dualar oxunub.

Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.

Qeyd edək ki, Elçin Əliməmmədov 2020-ci il oktyabrın 7-də Füzuli rayonunun Horadiz qəsəbəsi istiqamətində gedin döyüşlər zamanı şəhidlik zirvəsinə ucalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.