ELM VƏ TƏHSİL


Xəzər və Osmanqazi universitetləri əməkdaşlıq edəcək

Bakı, 24 fevral, AZƏRTAC 

Xəzər Universitetinin təsisçisi, Direktorlar və Qəyyumlar Şurasının sədri, professor Hamlet İsaxanlı və Təbiət elmləri və mühəndislik fakültəsinin dekanı Hassan Niknafs dəvət əsasında Türkiyənin Eskişehir şəhərindəki Osmanqazi Universitetində olublar.

Universitetdən AZƏRTAC-a bildirilib ki, səfərin məqsədi Osmanqazi və Xəzər universitetləri arasında təhsil və tədqiqat əməkdaşlığını müzakirə etmək olub. Vurğulanıb ki, əməkdaşlıq nanotexnologiya, materialşünaslıq və biomühəndislik kimi mühəndisliyin bir çox sahələrində qarşılıqlı tədqiqat işlərini əhatə edəcək. Həmçinin bura maşınqayırma, kompüter mühəndisliyi, kompüter elmləri, elektrik və elektronika və inşaat mühəndisliyi sahələrində tələbə mübadiləsi, ikili dərəcə və ortaq dərəcə proqramları daxildir.

Osmanqazi Universitetinin rektoru, professor Kamal Şenocak və Mərkəzi tədqiqat laboratoriyasının direktoru, professor Vural Bütün ilə görüşdə təhsil və tədqiqat sahələrində əməkdaşlıq məsələləri müzakirə edilib. Qeyd olunub ki, əməkdaşlığa başlamaq üçün tərəflər arasında tezliklə müqavilə imzalanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.