CƏMİYYƏT


Xəzərə atılan bütün axınlarla bağlı məlumat bazası yaradılıb

Bakı, 19 yanvar, AZƏRTAC 

Ekologiya və Təbii Sərvətlər Nazirliyi Xəzərə axıdılan sularla, bütün axınlarla bağlı məlumat bazası yaradıb.

AZƏRTAC xəbər verir ki, bunu Ekologiya və Təbii Sərvətlər Nazirliyinin Ekoloji siyasət şöbəsinin müdiri Rasim Səttarzadə nazirliyin “Facebook” səhifəsində yayımlanan “Ekspert saatı”nda deyib.

O bildirib ki, bu suların həcmi, keyfiyyət göstəriciləri, sayı inventarlaşdırılaraq xəritələşdirilib. Hər hansı bir qanun pozuntusu halı ilə əlaqədar tədbirlər görülür, müvafiq cərimə, iddia və dəymiş ziyanın ödənilməsi ilə bağlı aidiyyəti orqanlara müraciət olunur. 10-20 il əvvəl ilə müqayisədə Xəzər dənizinə təmizlənməmiş tullantı suların axıdılmasının səviyyəsi azalıb. Ancaq gün ərzində təkcə Abşeron yarımadasından dənizə təxminən 1 milyon kubmetr təmizlənməmiş su daxil olur. Sözsüz ki, müvafiq qurumlar tərəfindən bunun azaldılması istiqamətində tədbirlər görülür - təmizləyici qurğuların qurulması, köhnə təmizləyici qurğuların reabilitasiyası, təkmilləşdirilməsi, təmir olunması və s.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.