MƏDƏNİYYƏT


“Xəzərin sahilində” adlı musiqi festivalı keçiriləcək

Bakı, 21 sentyabr, AZƏRTAC

Dənizkənarı Milli Parkda sentyabrın 23-24-də Azərbaycan Respublikasının Prezidenti yanında Gənclər Fondu və “Cavan” Gənclər Hərəkatı İctimai Birliyinin birgə təşkilatçılığı ilə “Xəzərin sahilində” adlı musiqi festivalı keçiriləcək.

Gənclər Fondundan AZƏRTAC-a verilən məlumata görə, Milli Musiqi Gününə həsr olunmuş festivalda müxtəlif janrlarda ifa edən iyirmidən artıq ifaçı və qrupun iştirakı nəzərdə tutulub.

Azərbaycanda ilk dəfə keçirilən küçə musiqisi festivalı üçün Dənizkənarı Milli Parkda xüsusi yerlər ayrılıb. Burada ifaçılar biri-birini əvəz etməklə öz proqramlarını təqdim edəcəklər. Küçə musiqisi festivalının ən maraqlı məqamlardan biri - səhnələrdən birinin boş saxlanılaraq, istənilən arzu edən şəxsə burada ifa etmək imkanın verilməsi olacaq. Festivalda Azərbaycanın tanınmış ifaçılarının iştirakı, müxtəlif səhnə şoularının təşkili də nəzərdə tutulub.

Festivalda məqsəd Bakıda küçə musiqiçilərinə olan münasibəti daha da yaxşılaşdırmaq və gənclərin musiqi ətrafında toplaşaraq vaxtlarının xoş keçirməsinə nail olmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.