SİYASƏT


Xəzəryanı dövlətlərin başçılarının Həştərxan sammitində imzalanacaq sənədlərlə bağlı razılıq əldə edilib

Tehran, 29 avqust (AZƏRTAC). Xəbər verdiyimiz kimi, Moskvada Xəzər dənizinin hüquqi statusu haqqında Konvensiyanın işlənib hazırlanması üzrə Xəzəryanı dövlətlərin xarici işlər nazirlərinin müavinlərinin iştirakı ilə xüsusi işçi qrupunun 38-ci iclası keçirilib.

İranın xarici işlər nazirinin müavini, Xəzər məsələləri üzrə xüsusi nümayəndə İbrahim Rəhimpur bildirib ki, iclasda Xəzəryanı ölkələrin dövlət başçılarının sentyabrın sonlarında Həştərxanda keçiriləcək IV sammitində imzalanacaq sənədlər üzrə razılıq əldə edilib. Bundan başqa, sammitinin yekun bəyanatının və prezidentlərin bəyanatlarının mətnləri də razılaşdırılıb.

Nazir müavini diqqətə çatdırıb ki, Xəzərin hüquqi statusunun müəyyənləşdirilməsi istiqamətində bu günədək aparılan danışıqların nəticəsində Azərbaycan, İran, Rusiya, Qazaxıstan və Türkmənistan dənizin təbii sərvətlərindən birgə istifadə, meteorologiya və fövqəladə hallar zamanı əməkdaşlığa dair razılaşmalar əldə ediblər.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.