DÜNYA


Xilasedicilər Kubada otelin dağıntıları altında qalanların axtarışını davam etdirir VİDEO

Bakı, 7 may, AZƏRTAC

Xilasedicilər, yanğınsöndürənlər, tibb işçiləri və polis Kubanın paytaxtı Havanada “Saratoga” otelinin dağıntıları altında sağ qalanların axtarışını davam etdirirlər.

AZƏRTAC xarici media orqanlarına istinadla xəbər verir ki, xilasedicilər dağıntılar altında hələ də insanların qaldığını deyirlər.

Son məlumata görə, oteldə baş vermiş partlayış nəticəsində aralarında bir uşağın da olduğu 22 nəfər həlak olub, 64 nəfər isə xəstəxanalara yerləşdirilib. İndiyə qədər 300-dən çox insan xəsarət alanlara yardım etmək üçün qan verib.

Xatırladaq ki, mayın 6-da səhər saatlarında Havana şəhərində yerləşən “Saratoga” otelində qaz sızması nəticəsində partlayış baş verib. Partlayışın dalğası qonşu binalara da ziyan vurub. Kubanın Turizm Nazirliyinin məlumatına görə, həlak olanlar arasında xarici ölkə vətəndaşları yoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.