QAN YADDAŞI
Xocalı şəhidinin anası: Ermənilərin törətdikləri soyqırımı cinayətlərinin cəzasız qalması ədalətsizlikdir
Bakı, 26 fevral, AZƏRTAC
İnanırıq ki, Xocalı soyqırımı gec-tez dünyada tanınacaq və bu qanlı cinayəti törədənlər ədalət mühakiməsi qarşısında cavab verməli olacaqlar.
Bunu AZƏRTAC-a müsahibəsində şəhid Məzahir Əbilovun anası Qənirə Əbilova deyib.
Xocalı soyqırımının 28-ci ildönümü ilə əlaqədar Bakıda keçirilən anım mərasimində iştirak edən Q.Əbilova bildirib: “Xocalı şəhəri çətin vəziyyətdə olanda Məzahir rayon polis şöbəsinin əməkdaşı idi. O, polis yoldaşları ilə birlikdə qarlı gecədə mühasirədə qalmış uşaqların, qadınların və yaşlı insanların xilas olunmasına kömək edərkən ermənilər tərəfindən qətlə yetirilib.
“Ermənilərin azərbaycanlılara qarşı soyqırımı cinayətlərinin cəzasız qalması, bu qətliama beynəlxalq aləmdə siyasi-hüquqi qiymətin verilməməsi ədalətsizlikdir. Qəsbkar Ermənistanın tarixboyu heç zaman ona məxsus olmamış Azərbaycan torpaqlarını gec-tez geri qaytaracaq və şəhidlərimizin qanı yerdə qalmayacaq.