REGİONLAR


Xocavəndli məcburi köçkünlər “Bayrağımız qürur mənbəyimizdir” devizi altında yürüş ediblər

Beyləqan, 9 noyabr, Tahir Ağaməmmədov, AZƏRTAC

Xocavəndli məcburi köçkünlərin məskunlaşdıqları Beyləqan rayonu ərazisindəki Xocavənd qəsəbəsində 9 noyabr - Dövlət Bayrağı Günü münasibətilə “Bayrağımız qürur mənbəyimizdir” devizi altında yürüş keçirilib.

AZƏRTAC-ın bölgə müxbiri xəbər verir ki, Dövlət Bayrağı Gününün qeyd edilməsi, gənclərin vətəndaşlıq və vətənpərvərlik tərbiyəsinin gücləndirilməsi məqsədilə təşkil olunan yürüşdə gənclər 30 metr uzunluğunda olan üçrəngli bayrağımızı 1,5 kilometr məsafəni qət edərək qəsəbənin giriş hissəsindən Bayraq meydanına qədər çiyinlərində daşıyıblar. Yürüş zamanı iştirakçılar bayraqla və vətənpərvərliklə bağlı müxtəlif şüarlar səsləndiriblər.

Tədbir çərçivəsində milli adət-ənənələrimiz nümayiş etdirilib, kitablar sərgilənib. İdmançıların nümunəvi çıxışları maraqla qarşılanıb. Musiqili-əyləncəli konsert zamanı vətənpərvərlik mövzusunda şeirlər söylənilib, mahnılar, muğam və təsniflər ifa olunub, milli və müasir rəqslər nümayiş etdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.