DÜNYA


Xorvatiyada sərnişin və yük qatarları toqquşub, ölənlər var

Xorvatiyada sərnişin və yük qatarları toqquşub, ölənlər var

Zaqreb, 10 sentyabr, AZƏRTAC

Xorvatiyada sərnişin və yük qatarının toqquşması nəticəsində azı 6 nəfər ölüb.

AZƏRTAC Xorvatiyanın mülki müdafiə idarəsinə istinadla xəbər verir ki, qəza Novsk şəhəri yaxınlığında baş verib. Sərnişin qatarı Vinkovtsy-Novsk marşrutu ilə hərəkət edib. İlkin məlumatlara görə, qatarların toqquşmasına səbəb sərnişin qatarının qadağan siqnalına keçməsi ola bilər. Ehtimal olunur ki, sürücü gözlənilməz vəziyyətdə vaxtında qərar qəbul edə bilməyib. Hadisə yerində fövqəladə hallar xidmətinin əməkdaşları çalışır. Avtomobillərin bəziləri zərbədən deformasiyaya uğrayıb.

Xorvatiyanın Baş naziri Andrey Plenkoviçin bir neçə nazirlə qəza yerinə getdiyi qeyd edilir. İlkin məlumata görə, sərnişin qatarının maşinisti və konduktoru da daxil olmaqla 6 nəfər həlak olub. Qurbanların sayı dəqiqləşdirilir. Qatarların toqquşmasına səbəb olan hallar müəyyənləşdirilir.

İqbal Hacıyev

AZƏRTAC-ın xüsusi müxbiri

Zaqreb

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.