İDMAN


Xüsusi olimpiyaçılar arasında stolüstü tennis yarışının qalibləri müəyyənləşib

Bakı, 30 iyun, AZƏRTAC

Azərbaycan Xüsusi Olimpiya Komitəsinin təşkilatçılığı ilə “Şüa” İdman-Sağlamlıq Kompleksində oğlanlar və qızlar arasında stolüstü tennis üzrə seçmə yarışlar keçirilib.

AZƏRTAC xəbər verir ki, turnir xüsusi Olimpiya proqramına uyğun olaraq müxtəlif divizionlarda təşkil olunub.

Maraqlı idman mübarizəsi şəraitində keçən yarışın yekununda 2 qızıl, 4 gümüş medal qazanan Xəzər rayonu E.Mirzəyev adına sağlamlıq imkanları məhdud uşaqlar üçün 6 nömrəli Respublika xüsusi internat məktəbi birinci yeri tutub. İkinci yerdə Nizami rayonu 3 nömrəli xüsusi təhsil məktəbi (1 qızıl, 2 gümüş, 2 bürünc medal), üçüncü pillədə isə Mərkəzi bölmə (1 qızıl, 1 gümüş, 1 bürünc medal) komandaları qərarlaşıblar.

Qeyd edək ki, yığma komanda ən çox medal qazanan komandanın bazasında komplektləşdiriləcək və 2023-cü ilin iyununda Almaniyada keçiriləcək Ümumdünya Xüsusi Yay Olimpiya Oyunlarında iştirak edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.