ELM VƏ TƏHSİL


Xüsusi qayğıya ehtiyacı olan şagirdlər üçün tədbir

Bakı, 13 iyun, AZƏRTAC

Paytaxt məktəbində xüsusi qayğıya ehtiyacı olan şagirdlər üçün 2018-2019-cu tədris ilinin sonu ilə bağlı buraxılış tədbiri keçirilib.

Bakı Şəhəri üzrə Təhsil İdarəsindən AZƏRTAC-a bildirilib ki, “Bizim dünyamız” adlı tədbir 219 nömrəli evdə təhsil məktəbində təşkil olunub. Məktəbin direktoru Sahilə Əliyeva xüsusi təhsilin inkişafı istiqamətində ölkədə həyata keçirilən ardıcıl və məqsədyönlü tədbirlərdən danışıb. O, məktəbin fəaliyyəti haqqında ümumi məlumat verib, 2018-2019-cu tədris ilində burada 359 şagirdin təhsil aldığını bildirib.

Tədbirdə Bakı Şəhəri üzrə Təhsil İdarəsinin sektor müdiri Samirə Bektaşi ölkəmizdə sağlamlıq imkanları məhdud və xüsusi qayğıya ehtiyacı olan uşaqlara göstərilən diqqət və qayğıdan söz açıb. O, sağlamlıq imkanları məhdud, kimsəsiz, valideyn himayəsindən məhrum uşaqların təhsili, onların təhsil aldığı müəssisələrin maddi-texniki və tədris bazasının möhkəmləndirilməsi istiqamətlərində Heydər Əliyev Fondu tərəfindən məqsədyönlü işlər görüldüyünü, sağlamlıq imkanları məhdud uşaqlar üçün internat məktəbləri və xüsusi məktəblərin əsaslı təmir edildiyini və ya yenidən qurulduğunu diqqətə çatdırıb. S.Bektaşi “2018-2024-cü illərdə Azərbaycan Respublikasında sağlamlıq imkanları məhdud şəxslər üçün inklüziv təhsilin inkişafı üzrə Dövlət Proqramı”nın uşaqların cəmiyyətə inteqrasiya olunması və təhsil almaları üçün əlverişli mühit yaratdığını da qeyd edib.

Tədbirdə şagirdlərin iştirakı ilə musiqili proqram təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.