YADDAŞ : 2020-ci il 9 oktyabr. Erməni faşistlərinin azərbaycanlı dinc əhaliyə qarşı təxribatları davam edir VİDEO

Bakı, 9 oktyabr, AZƏRTAC

Vətən müharibəsi: AZƏRTAC-ın cəbhə bölgəsinə ezam olunmuş müxbiri xəbər verir ki, düşmən oktyabrın 9-da səhər saatlarında Füzuli rayonunun işğal altında olmayan yaşayış məntəqələrinə yenidən ağır artilleriyadan zərbələr endirib.

Atəşə məruz qalan kəndlərdən biri də Qarabağ kəndidir. Kəndə düşən mərmilər nəticəsində sakinlərdən bir neçə nəfəri xəsarət alıb. Bundan başqa, evlər dağılıb, mal-qara tələf olub, təsərrüfatlara ciddi ziyan dəyib, infrastruktur sıradan çıxıb.

Ermənistan silahlı qüvvələri dinc əhalini məqsədli şəkildə hədəfə alıb, qadağan olunmuş mərmilərdən, o cümlədən fosforlu bombalardan istifadə edib.