SİYASƏT


YAPONİYANIN ENERGETİKA DİPLOMATİYASINDA AZƏRBAYCAN ONUN ƏSAS TƏRƏFDAŞIDIR
YAPONİYA PARLAMENTİ NÜMAYƏNDƏ HEYƏTİNİN BAŞÇISI “ŞİMAL” DRES-DƏ BU FİKRİ İNAMLA DEMİŞDİR

Avqustun 29-da Akira Amarinin başçılıq etdiyi Yaponiya-Azərbaycan parlamentlərarası dostluq liqasının nümayəndə heyəti bu ölkənin təxminən 200 milyon ABŞ dolları məbləğində krediti hesabına tikilmiş 400 meqavatlıq birinci blokda görülmüş işlərlə tanış olmaq, ikinci aqreqatın tikintisi üçün kreditin zəruriliyini müəyyənləşdirmək məqsədi ilə “Şimal” DRES-də olmuşdur.

AZƏRTAC-ın müxbiri xəbər verir ki, “Azərenerji” Səhmdar Cəmiyyətinin baş mühəndisi Marlen Əsgərov və stansiyanın rəisi Saleh Məmmədov qonaqlara görülmüş işlər barədə məlumat vermiş, ölkə energetikasının inkişafına göstərdiyi yardıma görə Yaponiya hökumətinə təşəkkür etmişlər. Onlar bildirmişlər ki, bu gün həmin aqreqat respublikada hasil edilən elektrik enerjisinin təxminən 10 faizini verir. Yapon parlamentarilərin nəzərinə çatdırılmışdır ki, “Tepko Tepcko” konsaltinq firması birinci blokda monitorinq keçirmiş, görülmüş işlərdən razı qalmış və yeni blokun tikilməsinə vəsait ayrılmasını məqbul saymışdır.

Yaponiya-Azərbaycan parlamentlərarası dostluq liqasının sədri Akira Amari ölkəsinin energetika siyasətini müəyyənləşdirən bir şəxs kimi əmin olduğunu bildirmişdir ki, Yaponiyanın energetika diplomatiyasında Azərbaycan onun əsas tərəfdaşıdır. O, Azərbaycan energetikasının inkişafına vəsait ayrılmasına tərəfdar olduğunu vurğulamışdır.

Sonra qonaqlar stansiyanın yeni blokunu gəzmiş, görülmüş işlərlə tanış olmuşlar.

Yaponiya parlamentinin nümayəndə heyətini bu ölkənin Azərbaycandakı səfiri Toşiyuki Fucivara müşayiət etmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.