CƏMİYYƏT


YAP Nizami rayon təşkilatında yüksək bal toplamış tələbələr mükafatlandırılıb 

Bakı, 21 sentyabr, AZƏRTAC

Sentyabrın 21-də Yeni Azərbaycan Partiyası Nizami rayon təşkilatında ali məktəblərə keçirilən qəbul imtahanlarında yüksək nəticələr göstərən tələbələrlə görüş keçirilib.

YAP Nizami rayon təşkilatının sədri Ramil Vəlibəyov, Milli Məclisin deputatı Sədaqət Vəliyeva, rayon təşkilatının “Sərdaroğulları” ərazi ilk partiya təşkilatının sədri, “Missiya” media qrupunun rəhbəri Ramin Əhmədov gəncləri təbrik edərək, təhsilin inkişafına göstərilən dövlət qayğısından, bu sahədə əldə edilən uğurlardan danışıblar.

Bildirilib ki, bu il Nizami rayonu üzrə 1857 nəfər 11-ci sinfi bitirib. 1592 nəfər ali məktəblərə qəbul üçün sənəd verib. Onlardan 1184 nəfəri ali məktəblərə qəbul olub. Rayon üzrə 174 nəfər 500-600, 70 nəfər 600-650 arası, 25 nəfər isə 650 baldan yüksək nəticə göstərib. Rayon tələbələrindən 118 nəfəri Rusiya, Türkiyə, Polşa, Çexiya, ABŞ, Almaniya, Gürcüstan, Macarıstan, Ukrayna və başqa ölkələrin nüfuzlu universitetlərində təhsil almaq hüququ qazanıblar.

Vurğulanıb ki, respublikamızın hər yerində Prezident İlham Əliyevin və birinci xanım Mehriban Əliyevanın rəhbərliyi ilə müasir məktəb binalarının tikintisi, onların maddi texniki bazasının məhkəmləndirilməsi məhz bu sahəyə olan diqqət və qayğını göstərir. Natiqlər aparılan islahatların kökündə insan amili dayandığını və bu kontekstdə güclü kadrlara olan tələbatın bir zərurətə çevrildiyini bildirib, gənclərə şəxsi həyatlarında və təhsildə uğurlar diləyiblər.

Görüşdə iştirak edən tələbələr, onların valideynləri də öz növbəsində Prezident İlham Əliyevə, birinci xanım Mehriban Əliyevaya, partiya rəhbərliyinə təşəkkür ediblər. Onlar gənclərə göstərilən diqqət və qayğıya görə minnətdarlıqlarını bildirib, yaradılan şəraitdən lazımınca yararlanaraq, ölkəmiz üçün savadlı mütəxəssis kimi yetişəcəklərinə söz veriblər.

Sonda yüksək bal toplayan tələbələrə hədiyyələr təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.