REGİONLAR


YAP Qax rayon təşkilatının könüllüləri koronavirusun yayılmasına qarşı aksiyaya fəal qoşulublar

Qax, 23 mart, Mustafa Dadaşov, AZƏRTAC

Yeni Azərbaycan Partiyasının (YAP) təşəbbüsü ilə startı verilən “Sağlamlığımız milli həmrəyliyimizdədir” adlı aksiyaya partiyanın Qax rayon təşkilatının könüllüləri də fəal qoşulublar.

AZƏRTAC-ın bölgə müxbiri xəbər verir ki, aksiya çərçivəsində YAP rayon təşkilatının könüllüləri martın 23-də aztəminatlı ailələrin, qayğıya ehtiyacı olan yaşlı insanların evlərində olub, onlara tibbi spirt, maska, əlcək, maye sabun və digər gigiyenik vasitələr paylayıblar. Vətəndaşlar koronavirus pandemiyasının yayılmasının qarşısının alınması məqsədilə ölkə rəhbərliyi tərəfindən həyata keçirilən təxirəsalınmaz və qabaqlayıcı tədbirlər barədə ətraflı məlumatlandırılıb, onlara virusa yoluxma hallarının baş verməməsi üçün gigiyena qaydalarına düzgün riayət etmələrinin əhəmiyyəti barədə tövsiyyələr verilib.

Sakinlər bu nəcib aksiyaya görə gənclərə minnətdarlıqlarını bildiriblər.

Aksiya çərçivəsində tədbirlər növbəti günlərdə də davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.