SİYASƏT


Yakub Kulhanek: Azərbaycan Avropa İttifaqı, eyni zamanda, Çex Respublikası üçün önəmli tərəfdaşdır

Bakı, 30 sentyabr, AZƏRTAC

Mənimlə birlikdə bir sıra Çex şirkətlərinin nümayəndələri Azərbaycanda səfərdədirlər. Bu şirkətlər Azərbaycanda yeni tərəfdaşlar qazanmağa qadirdirlər. İşğaldan azad olunmuş ərazilərdə tikinti, quruculuq, ərazilərin bərpası zamanı çirklənmiş sulardan təmizlənməsi və digər sahələrdə əməkdaşlıq üçün geniş imkanlar var.

AZƏRTAC xəbər verir ki, bu sözləri Çex Respublikasının xarici işlər naziri Yakub Kulhanek azərbaycanlı həmkarı Ceyhun Bayramovla keçirdiyi brifinqdə deyib.

Azərbaycan-Çexiya əməkdaşlığının həm də enerji sahəsinin inkişafından asılı olduğunu deyən nazir bildirib: “Biz energetika sahəsinin inkişafına böyük diqqət və kifayət qədər maraq göstəririk”.

Nazir, həmçinin qeyd edib ki, Azərbaycan Avropa İttifaqı, eyni zamanda, Çexiya üçün önəmli tərəfdaşdır.

Regionda baş verən son proseslərə toxunan Yakub Kulhanek ümid etdiyini bildirib ki, Ermənistan ilə Azərbaycan arasında sülhə nail olunacaq. Çünki bu ölkələr arasında əldə olunacaq sülh regionda təhlükəsizliyin təmin olunmasına töhfə verəcək”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.