CƏMİYYƏT


Yalçın Yarpaq: Qardaşlıq yardımına görə Azərbaycana minnətdarıq VİDEO

Muğla, 1 avqust, AZƏRTAC

Muğla vilayətinin Marmaris rayonunda meşəlik ərazidə baş verən yanğınlar hazırda nisbətən nəzarət altına alınıb. Son iki gündə yanğınların lokallaşdırılması və söndürülməsi istiqamətində əhəmiyyətli işlər görmüşük. Azərbaycandan gələn qardaşlarımız iyulun 31-də olduqca mühüm məntəqədə təhlükəli yanğın ocağının nəzarət altına alınmasında ciddi səylər göstərdilər. Bu, qardaşlıq yardımına görə Azərbaycana minnətdarıq.

Bu ifadələri Türkiyənin Meşəçilik İdarəsinin Marmaris bölgəsi üzrə müdiri Yalçın Yarpaq AZƏRTAC-ın yanğın bölgəsində olan xüsusi müxbirinə müsahibəsində deyib.

O, avqustun 1-nin yanğın ocaqlarının söndürülməsində ciddi dönüş nöqtəsi olacağını əminliklə bildirib.

Qeyd edək ki, Azərbaycan Respublikası Prezidentinin tapşırığına əsasən, iyulun 30-da Türkiyəyə göndərilən FHN-in yanğınsöndürmə qüvvələrinin 100 əməkdaşından ibarət birinci qrup yanğın bölgəsində fədakarlıqla çalışır. Hazırda yanğınsöndürənlərimiz Marmaris şəhərindən 11 kilometr məsafədə böhran məntəqəsində alovla mübarizə aparırlar.

Ötən gün axşam saatlarında isə FHN-in daha bir yanğın-xilasetmə qrupu qardaş ölkəyə yola salınıb. İkinci qrupa 1 helikopter, 53 yanğınsöndürmə və xüsusi təyinatlı xilasetmə texnikası, 1 tibbi yardım avtomobili, 220 yanğınsöndürən və xilasedici daxildir.

Sabir Şahtaxtı

AZƏRTAC-ın xüsusi müxbiri

Muğla

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.