İQTİSADİYYAT


Yanvar-iyul aylarında Azərbaycanla Ukrayna arasında ticarət dövriyyəsi yarım milyard dolları ötüb

Kiyev, 14 avqust, AZƏRTAC

Bu ilin yeddi ayında Azərbaycan və Ukrayna arasında idxal-ixrac əməliyyatlarının həcmi 530 milyon dollara yaxın olub ki, bu da 2018-ci ilin müvafiq dövrü ilə müqayisədə 147 milyon dollar çoxdur.

Ukrayna Dövlət Statistika Komitəsindən AZƏRTAC-a bildirilib ki, yeddi ayda Azərbaycandan Ukraynaya 270,1 milyon dollarlıq məhsul ixrac olunub. Azərbaycanın Ukraynadan idxal etdiyi məhsulun dəyəri isə 259 milyon dollar təşkil edib.

Qeyd edək ki, postsovet məkanında Ukrayna Azərbaycanla ticarət dövriyyəsinin həcminə görə, Rusiyadan sonra ikincidir. 2018-ci ildə Azərbaycan və Ukrayna arasında idxal-ixrac əməliyyatlarının həcmi 829 milyon dollara çatıb ki, bu da əvvəlki illə müqayisədə 18 milyon dollar çoxdur. Ötən il iki ölkə arasındakı ticarət dövriyyəsində son 5 ilin ən yüksək göstəricisi qeydə alınıb.

 

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.