DÜNYA


Yaponiya ABŞ-ın İran neftinin ixracına qoyduğu qadağa ilə əlaqədar müvafiq tədbirlər görür

Tokio, 24 aprel, AZƏRTAC 

Yaponiya hökuməti ABŞ-ın İran neftinin ixracına qoyduğu qadağa ilə əlaqədar ölkəyə dəyə biləcək zərərin qarşısını almaq üçün müvafiq tədbirlər görür.

AZƏRTAC xəbər verir ki, bu barədə Nazirlər Kabinetinin baş katibi Yoşihide Suqa məlumat verib.

Xatırladaq ki, ABŞ hökuməti maydan başlayaraq Yaponiya və digər ölkələrə İran neftinin ixracına icazəni ləğv edəcəyini bildirib. Ağ ev bu barədə aprelin 22-də elan edib.

Y.Suqa bildirib ki, hökumət yapon şirkətlərinə dəyə biləcək zərərin qarşısını almaq üçün ABŞ tərəfi ilə danışıqlar aparır. Lakin o, danışıqların detallarını açıqlamayıb.

Baş katib əlavə edib ki, hökumət müvafiq addımları dəqiqləşdirmək üçün şirkətlərlə də danışıqlar aparır.

Ticarət naziri Hiroşiqe Seko isə ixraca qadağanın böyük təsir göstərməyəcəyini bildirib. Nazir qeyd edib ki, İran nefti Yaponiya neft ixracının cəmi üç faizini təşkil edir.

H.Seko əlavə edib ki, onun rəhbərlik etdiyi nazirlik dünya neft bazarında baş verən prosesləri diqqətlə izləyərək lazımi addımları yapon şirkətləri ilə müzakirə edəcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.