DÜNYA


Yaponiya Çin Olimpiadasının diplomatik boykotu ilə bağlı məsələ üzərində düşünəcək

Tokio, 20 noyabr, AZƏRTAC

Yaponiya hökuməti Çində təşkil olunacaq növbəti Qış Olimpiya Oyunlarının mümkün diplomatik boykotu ilə bağlı məsələ üzərində düşünəcək.

AZƏRTAC xəbər verir ki, bu barədə noyabrın 19-da Yaponiyanın Baş naziri Fumio Kişida jurnalistlərin məsələ ilə bağlı ABŞ Prezidenti Co Baydenin mövqeyini şərh etmək barədə xahişlərinə cavab olaraq bildirib.

“Bu məsələ ilə bağlı hər bir ölkənin öz mövqeyi və fikirləri var. Yaponiya bu məsələ üzərində fikirləşəcək”, - deyə Baş nazir qeyd edib.

Xatırladaq ki, bu ərəfədə C.Bayden jurnalistlərə ABŞ-ın Çində keçiriləcək yarışların diplomatik boykotu barədə məsələni müzakirə etdiyini bildirib. Bundan bir qədər sonra Ağ evin mətbuat katibi Cen Psaki Vaşinqtonun Pekində keçiriləcək Olimpiya Oyunlarını diplomatik boykot etmək barədə ideyanı müzakirə etməsinin Prezident C.Baydenlə Çin Sədri Si Cinpinin bu ərəfədə baş tutan onlayn sammiti ilə əlaqədar olmadığını deyib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.