DÜNYA


Yaponiya Filippinin Mindanao adasına uzunmüddətli yardım vəd edib

Tokio, 11 fevral, AZƏRTAC 

Yaponiya Filippinin Mindanao adasında sülh prosesini dəstəkləmək üçün uzunmüddətli yardım göstərməyə hazır olduğunu bildirib.

AZƏRTAC xəbər verir ki, Filippində səfərdə olan Yaponiyanın xarici işlər naziri Taro Kono bu barədə həmkarı Teodoro Loksin ilə görüşü zamanı deyib. Görüş Filippinin cənubunda yerləşən Davao adasında keçirilib.

2014-cü ildə əldə edilən razılaşmaya əsasən, Mindanao adasında müsəlman muxtar hökumətinin yaradılması istiqamətində işlər davam etdirilir. Həmin razılaşma regionda yaşayan müsəlmanlar üçün muxtar hökumətin təşkilini nəzərdə tutur.

T.Kono T.Loksinə bildirib ki, Yaponiya regiondakı yaraqlıların tərksilah edilməsi və iqtisadiyyatın bərpası məqsədilə uzunmüddətli yardım göstərməyə hazırdır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.